Roezige dag

Et was vandaege een slim roezige dag. Gisteraovend kree’k inienend meleur mit ien van de heurapperaoten. Dat ik bin vandemorgen eerst naor Jerre Heurzorg in Et Vene west. Daor hebben ze et ongemak verhulpen. Doe ‘k weer thuus was he’k wat verhaelen rippeteerd veur zaoterdag. Nao et eten bin ‘k op ‘e fiets stapt en naor Wolvege gaon. Daor he’k een peer bosschoppen daon en ik bin naor Marian veur fysio west. Onderwegens naor huus he’k ansteuken bi’j Vrouwkje in Hooltpae. Die moet now zonder Eppie veerder en dat vaalt vanzels niet altied mit. Ik vien et in wezen zo onbegriepelik dat meensken d’r zomar inienend niet meer binnen en daj’ ze dan ok nooit weer zien zullen. Et is verschrikkelik.