River of Dreams

We bin d’r vandaege op uut west. Et was nog niet iens hiel lange leden dawwe naor Pantropica, de vroegere Orchidenenhoeve in Luttelgeest, west weren, mar we bin d’r now al weer henne west. We hebben eerst in et resteraant wat drinken mit gebak had. En doe hebben we de tentoonstelling River of Dreams bekeken. Onveurstelber mooi! Ie kuieren deur een revier van bloemen. Allegeer boten en honderden lichtkaans wel duzenden orchidenen in de mooiste kleuren. Een feest veur et oge. Et was d’r hiel drok. De tentoonstelling is nog tot veer in meie. Gao dat moois bekieken! We hebben vanzels ok de rest van Pantropica bekeken en onderweg ok nog wat dronken. We bin d’r ietsien meer as drie uren west. En wie kwammen we daor tegen? Gloria Summer en heur man uut Emmen. Gloria is prissentater van de Drentse suksesformule Tael an Taofel daor ik ok meerdere keren as schriever/verteller an mitdaon hebbe. We hebben genoeglik even praot. Ik hebbe daor ok nog een lidkaktus mit oranje bloemen kocht. We hebben vanaovend waarm eten had in sjefeursresteraant De Stoof in Wolvege. D’r wodde oons deur ien van de stamgaasten in Cambuurkleren een draankien anbeuden, mar we zatten vol. Hieronder drie foto’s die ‘k maekt hebbe op ‘e tentoonstelling River of Dreams.