Rita van Donizetti

Ria en ik bin vandaege naor de opera Rita van Gaetano Donizetti (1860) west in Ni’jtriene an de Scheene. Vleden jaor bin ze daor stopt mit de jaorlikse opera, mar veur de Vrunden van Opera Ni’jtriene wo’n d’r now nog drie veurstellings van Rita geven. Rita het een kroeg en ze het van heur twiede man een pantoffelheld maekt, naodat de eerste d’r in de huweliksnaacht vandeur gaon was. Alleman docht dat die man verdronken was, mar hi’j komt weeromme. En dan wodt d’r een spel speuld mit Rita as inzet. Wie verliest moet bi’j Rita blieven… Rita, Beppe en Gasparo maeken d’r mit de meziek wat moois van. In et schoft kregen we een zoemerse lunch in een grote tente. Nao ofloop hewwe nog een aentien in de auto reden en in Noordwoolde hewwe in et resteraantien in de oolde tramhalte wat drinken had mit een hiempe gebak. We bin now hatstikke zat en gaon vanaovend niet meer argens henne te eten. Hieronder twie foto’s uut de opera die ‘k vandaege maekt hebbe.