Rippeteren

Ik bin de laeste daegen wat an ’t rippeteren van verhaelen en gedichten. Et was de bedoeling da’k drie daegen aachter mekaander argens vertellen zol. Donderdag in Wolvege, vri’jdag in Ni’jhooltpae en zaoterdag in Berkoop. Allemaole mooi dichte in de buurt. Zaoterdag zol d’r een buurtverieninge uut Haulerwiek bi’j de Schrieversronte op vesite kommen, om daor et gebouw en zo te bekieken. En dan zol Abel van alles over de Schrieversronte vertellen en ik zol nog wat uut eigen wark vertellen. Mar… d’r was niet genoeg belangstelling veur. Dat gaot dus over en dat is spietig, want ik hadde d’r wat aanders veur ofzegd. Mar ik kan daor now toch nog asnog henne en dat is dan weer mooi. Ik hoeve now dus nog mar veur twie optredens te rippeteren.

Van de zeuven ammarillen die ‘k dit jaor in de bluui kriege, bin d’r now drieje hielemaole uutbluuid. Ik hebbe een foto maekt van iene die now bluuit. Mar iene staele mit mar twie bloemen. Hiel bescheiden dus, mar wel hiel arg mooi.