Rinny Siemonsma (3)

Ik bin in de loop van de middag veur de eerste keer weer even et pad uut west. Om goed vier ure wa’k in kesteel Olt Stoutenburght in Blesdieke. Ik kon vleden weke zaoterdag jammer genoeg niet bi’j de eupening wezen van de tentoonstelling mit et wark van Rinny Siemonsma dat daor de laeste negen daegen te zien was. De tentoonstelling wodde orgeniseerd deur de Stichting Bekiek et Mar. D’r hong ok een schilderi’je van Rinny dat gewoonlik bi’j mi’j in huus boven de tillevisie hangt. Om vuuf ure vandemiddag was de tentoonstelling oflopen. Ik hebbe alles nog even bekeken, daor een koppien thee dronken, en doe he’k mien schilderi’je weer mit naor huus neumen. Et hangt now weer boven de tillevisie. Veur de tentoonstelling was flink wat belangstelling. D’r bin zoe’n zeshonderd meensken west te kieken.

Douwe en Romkje toeren de hiele maond september mit de trein deur Europa. Ik kreeg een kaorte van heur mit Grüsse von der Festung Hohensalzburg in Oostenriek. Ze zullen now naor Spanje toe.