Riet

Gistermiddag kwamTon Broekhuis bi’j de Schrieversronte mit een peer exemplaoren van zien prachtige boek Riet. Een boek vol foto’s in en van et riet in de Rottige Miente en de Braandemeer. Ik hebbe et boek lezen en veural ok bekeken. Zo mooi! Behalven et boek bin ok de foto’s in et boek te koop. Ton Broekhuis het in et boek twie gedichten in et Stellingwarfs opneumen die over riet gaon. Et gedicht Riet in de haast van Harmen Houtman en mien gedicht Sukerpot uut de bundel De overkaant van et waeter. Wi’j kregen elk een boek van Ton.

Et is de laeste daegen drok in Berkoop. Dit is geweldig mooi Eupen Stal-weer. Niet te waarm en dreuge. Hieronder nog een mooie netuurfoto die Tjerkje me toemailde. Ze gaot elke dag een peer keer in Liwwadden kuieren mit heur hond Rosco en dan nemt ze et fototoestel altied mit. De risseltaoten meugen d’r wezen!