Reis door het Nederlands

Een schoffien leden kwam de now al beroemde poëziebloemlezing uut die saemensteld wodde deur Tsead Bruinja: De eerste bloemlezing van de Nederlandse poëzie 101 gedichten uit het Koninkrijk van 1945 tot nu. Naor anleiding van dit boek wo’n d’r now vuuf luustermiddaegen hullen in et Vredeskerkje/Vredeskarkien in Bargen an Zee (Kerkstraat 21, Bergen aan Zee). De titel van die middaegen is Reis door het Nederlands. De eerste middag is op zundag 23 april van half 3 tot half 5. Die middag gaot over et Fries en et Stellingwarfs. Veur et schoft lest Tsead Bruinja gedichten veur in et Fries en ik leze gedichten veur in et Stellingwarfs. We lezen beide ok de vertaelings in et Nederlaans veur. De meziek wodt verzorgd deur Zea. Nao et schoft is d’r een taofelgesprek van Jasmijn Snoijink mit oons en d’r kun vermoedelik ok vraogen steld wodden deur et pebliek. De Eerste Bergensche Boekhandel verzorgt de verkope van boeken. Iederiene mag d’r henne. Misschien da’k jim daor dan wel zie. Dat zol mooi wezen! D’r kun kaorties besteld wodden via reisdoorhetnederlands.nl