Regen

Vandemorgen op bedde he’k alvast verhaelen rippeteerd, want de kommende deensdagaovend is et eerste optreden van et seizoen. En dan moe’k alles uut et heufd kennen… Ik hadde zo fietsen zuld vandaege. Lekker Ooldemark omme en daor dan op een terras wat eten. Ze hadden oons toch mooi weer beloofd? Mar et was diezig en et regende de hiele morgen. Ik bin dus mar thuusbleven en hebbe wat lezen. Ik hope dawwe nog een riete mooi weer kriegen. Dat kan best nog wel. Ik oktober ok nog wel. Vroeger sutelden we drie hiele daegen in oktober. Twie keer op een zaoterdag en op ‘e woensdag d’r tussenin. Ik wete nog best dat ik een keer mit mien moeder in Scharpenzeel/Munnekeburen sutelde. Ik zie oons nog lopen in die flauwe bocht van de weg. Dat is misschien wel veertig jaor leden, mar et was doe echt et mooiste weer van de wereld en ik hadde et zwiet op ‘e rogge. Dat et kan dus nog wel. De daegen wo’n allienig almar kotter en daor he’k een allemachtigen hekel an.