Prissentaosie film Sultan

Gisteraovend vul ien van de heurapperaoten weer uut. Dat gebeurt zo now en dan en dat is hiel lastig. Vandemorgen he’k drekt naor Et Vene west en d’r is (weer) een ni’j luudsprekertien in zet. En doe kon ik weer goed heuren. Ik bin vandaege begonnen mit et rippeteren van alle verhaelen die ‘k de kommende donderdagmiddag vertellen zal in Franeker.

Vleden weke vri’jdag ston d’r een groot stok in de Liwwadder Kraante over de Stellingwarver film De Sultan van Bercoop en daor ston een verkeerde daotum bi’j van wanneer de prissentaosie wezen zal. De wereldpremiere is op donderdag 12 november in de Filmkarke in Hooltwoolde om 20.00 ure. Dat is een besleuten veurstelling. Daornao wodt de film nog zeker tien keer vertoond en daor kun kaorties veur kocht wodden. Ie kriegen dan niet allienig de film te zien, mar d’r is ok een podcast en d’r bin akteurs anwezig. Gaastheer is de hieltied Steven de Jong, de regisseur van de film. Hier dan de daotums wanneer de film te zien is en op welk tiedstip. Vri’jdag 13 november: 20.00 ure. Zaoterdag 14 november: 14.00 en 20.00 ure. Zundag 15 november: 14.00 ure. Woensdag 18 november: 20.00 ure. Donderdag 19 november: 20.00 ure. Vri’jdag 20 november: 20.00 ure. Zaoterdag 21 november: 20.00 ure. Zundag 22 november: 14.00 ure. Zie hieronder de prachtige poster. Veur et bestellen van kaorties kiek op: info@filmkerkwolvega.nl