Prikken

Vandemorgen he’k op ‘e fiets naor Wolvege west om in De Rank bloed prikken te laoten en vandemiddag he’k weer op ‘e fiets naor Wolvege west. Ik bin doe over Der Izzerd gaon, daor he’k argens een boek in de busse stopt. In Wolvege he’k naor Marian west veur fysio. Ze wus de zere plakkies wel weer te vienen. Et is me wat mit die zere spieren… Ik gao de kommende maendag weer naor heur toe. In de biebeltheek he’k een boek van Henning Mankell liend: Zweedse laarzen. Mankell is de schriever van de prachtige Wallander-serie. Die hiele serie he’k indertied mit et grootste genoegen lezen. In de Kiekzael van de biebeltheek he’k een tentoonstelling bekeken van petretten, laandschoppen en koenen van Jeltje Baas. Ik kreeg een peer weken leden een uutneudiging veur de eupening. Daor bin ‘k doe niet hennegaon, ik hebbe alle moois now in alle rust bekieken kund. Hieronder nog een foto die ‘k eregister tiedens de boottocht maekt hebbe. Hier veren we deur Menaldum.