Prachtige fietsdag

Eindelik hawwe dan een prachtige fietsdag nao de hitte van de laeste daegen. Et was hier vandaege 23 graoden en dat is lekker weer. We hebben hier op et vekaansiepark fietsen huurd en bin vandemorgen om kwat veur elf uut aende zet. Een tocht deur et schitterende Aachterhoekse laand van een goeie veertig kilemeter. Wat een mooie fietspaeden overal. We bin ok deur Ruurlo, Borkulo en Lochem kommen. In Borkulo hewwe luncht op et terras van resteraant Proeflokaal naost een wondermooie warkende waetermeule. Bi’j bakker Nollen hewwe daor an west om bolties en koekies. Op die meniere hoefden we niet nog een keer naor Albert Heijn. Om kwat veur viere wawwe weeromme op et park. Hieronder twie foto’s die ‘k onderwegens maekt hebbe. Boven: de meule van Ruurlo. Onder: bi’j disse waetermeule in Borkulo hewwe tussen de middag wat eten en drinken had. En morgen gaon we al weer naor huus. De daegen bin vusen te vlogge ommegaon.