Prachtig fietsweer

Et is lange niet zo hiete meer as de laeste beide daegen, vandemiddag leup de temperetuur op naor 22 graoden. Et was dus prachtig fietsweer. Ik hebbe een tocht van 44 kilemeter maekt en bin over De Hoeve en Steggerde naor De Eese reden en doe over Ni’jensliek naor Frederiksoord. Overal bluuien de zoegepappen now ok volop. In Wilhelminaoord he’k op et terras van Family een bakkien drinken en een twaelfuurtien mit pompoenesoep had. Vervolgens bin ‘k over Noordwoolde naor Berkoop gaon en doe bi’j de Kuunder langes weer naor huus. Doe ‘k weer thuus was he’k twie potties rebarbercompote maekt van de rebarber die ‘k van Anke kreeg. Hieronder nog een foto die ‘k vandemorgen maekt hebbe. Dit is et karkien van De Hoeve dat al lange niet meer as karke bruukt wodt.