Postzegels

Ik bin vandemorgen om half negen de dag begonnen op ‘e behaandeltaofel van de dokter. D’r mossen onder verdoving wat wratties votschruuid wodden. Doe ‘k weer thuus was, kwam Anke hier om de boel schone te maeken, zodat poes en ik netties et weekaende in kunnen. Et grootste diel van et weekaende bin ‘k trouwens de diek uut. Over de post kwammen de vellegies postzegels die PostNL veur me maekt het. Et is van ’t jaor 125 jaor leden dat Wilhelmina as achttienjaorige jonge vrouw inhuldigd wodde in de Ni’je Karke in Amsterdam. D’r wodde indertied een prachtig petret schilderd deur Thérèse Schwartze dat in Peleis Et Loo in Apeldoorn hangt. Dat petret moch ik bruken veur de postzegels. Ik vien dat ze mooi wodden binnen. Boven et vellegien staot: Paleis Het Loo – Koningin Wilhelmina (1880-1962). De kostpries van een vellegien is 11,45 euro. Losse zegels kosten 1,14 euro.