Postzegels

Vandemiddag he’k Jarina op vesite had. Krek as vleden jaor hewwe tegere een persoonlike postzegel in mekeer knusseld. Ik laot ieder jaor vellegies persoonlike postzegels maeken deur PostNL betreffende de geschiedenis van oons keuningshuus. Van ’t jaor komt et twaelfde vellegien uut. Van alle veurige vellegies he’k allienig van die van vleden jaor nog ien vellegien en wat losse zegels beschikber. Alle aanderen bin uutverkocht. Ie kun de postzegels gewoon op een kevot plakken, mar ik laot ze maeken veur mien verzaemeling en tal van meensken uut et hiele laand nemen vellegies tegen kostpries van me over veur heur verzaemelings. Op ‘e zegels van dit jaor komt een jonge Wilhelmina te staon. Et is dit jaor 125 jaor leden dat ze as achttienjaorig maegien inhuldigd wodde. Veur de postzegels mag ik et schilderi’je van Thérèse Swartze bruken. Ik hebbe toestemming kregen van Paleis Et Loo daor dat petret hangt. Hieronder et vellegien van vleden jaor mit Frederik Hendrik d’r op, dat nog te kriegen is.