Pompoenesjem

Doe Abel me een schoffien leden mien manuskript mit 28 verhaelen weerommebrocht, nam hi’j een grote oranje pompoen veur me mit. Mooi veur de sier, mar Abel zee daj’ d’r ok sjem van maeken konnen. Dat he’k vandaege dus perbeerd. Et was een hiel gedoe mit dat grote ding. Ik daenke niet da’k d’r nog es weer an beginne. Alle pitteboel he’k d’r uutschept en doe he’k et vruchtvleis an stokkies sneden en dat kookt en mit de mixer fien maekt. Ik hebbe d’r behalven geleisuker ok nog wat venillesuker, keneel, raspte manderijneschellen en citroenrasp deurdaon. Now ja, ik bin slim beni’jd as dit wat wodden gaot. Et spul staot now te stieven in de potties.