Poelie de verschrikkelijke

Ik hebbe vandemorgen naor et karkhof west om daor wat potten mit bloemen henne te brengen en d’r wat begonia’s te plaanten.

In mien boekekaaste stonnen tot now an toe drie verhaelebundels van Frans Pointl: De kip die over de soep vloog, De aanraking en Rijke mensen hebben moeilijke maten. Ik bin een groot liefhebber van zien verhaelen. Van Anke kreeg ik laestdaegs Pointl zien bundel mit katteverhaelen en -gedichten Poelie de verschrikkelijke. Ik hebbe alles mit groot genoegen lezen. Pointl kon et mooi opzeggen. In zien gedicht Klotewijf staot de mooie zin: ik zorg liever voor tien katten dan voor één lastig en dom oud wijf. En daor bin ik et hielemaole mit iens!