Podcast

Fettje en ik hadden vandemorgen naor ’t Maotie in Gasselte zuld veur een optreden van et illustere Drentse kabberetduo Harm en Roelof. We gaon elk jaor naor heur toe. Mar… doe zeker was da’k vleden donderdag oppereerd wodden zol, hewwe dit toch mar ofzegd. Hiel spietig vanzels. En now mar hopen dat Harm, Roelof, Fettje en ik et platte van de voeten onder holen zullen en we d’r in et volgende seizoen henne kunnen. Et is trouwens krek as leef ik in een aandere wereld. Een frisse, opni’j opvarfde wereld. Wat bin de blauwe droefies mooi blauw en wat is poes Marja een prachtige zwat-witte katte. Ik zag dat niet zo. Ik hebbe in wezen jaoren deur een peer smerige raemen keken.

D’r staot een ni’je podcast in de rebriek Podcasts op dit webstee. Wie et aorig vint kan daor een ure naor me luusteren. Elizabeth Bergsma interviewt me over mien schrieveri’je. Et is in feberwaori opneumen in de radiostudio Odrie in Oosterwoolde. De praoteri’je wodt onderbreuken deur lieties van Jim McCann, Lammy Bruyns en et Lemster Mannekoor.