Petitie

Zoe’n 25 jaor leden bin et Nedersaksisch en et Limburgs deur de overhied erkend as regionaole taelen, mar d’r is op rieksnivo barre weinig uut de wege zet om die erkenning in de praktiek te brengen. Dat moet dus aanders! Teken de petitie! Kiek bi’j http://erkenregiotalen.petities.nl

Ik hebbe de roman Zuiderkruis van Pauline Slot nog es weer lezen en ik vien et nog altied een mooi boek. Emma nemt naodat Paul en zi’j uut mekaander gaon binnen heur intrek in et huus van heur kammeraodske Floor. Die gaot allienig een grote reize maeken naor Australië, Ni’j-Zeelaand en Fiji. Ze komt nooit weeromme. Het ze een ongelok had of het ze heurzels tekot daon? Twie jaor laeter maekt Emma an de haand van brieven en reisantekenings van Floor percies dezelde reize en perbeert ze uut te zuken wat d’r indertied gebeurd is. Zuiderkruis is een roman over een grillige vrundschop. Wie is wie wat schuldig. Wat is verraod? Tot op ‘e laeste bladziede geft et boek geheimen pries.