Papendrecht

Et is op et ogenblik kwat veur achte morgens. Dit is dus een allemachtig betied dagboekstokkien. Mar ik bin de hiele zundag op ‘e rittel en vermoedelik vanaovend eerst laete weer thuus. Om half negen kommen Jan en Ellie hierlanges en dan stap ik bi’j heur in de auto. Gezaemelik gaon we dan naor aachternichte Ria in Papendrecht veur et uutkommen van heur eerste boek. Et eerste diel van lichtkaans meerdere boeken over heur leven. Een autobiografie dus. Ik bin slim beni’jd. We maeken d’r een mooie dag van!