Overleg in Veenwoolden

Vandemorgen he’k zoas gebrukelik op vri’jdagmorgen naor fysiosport west in Wolvege. Daornao bin ‘k naor kammeraod Douwe in Veenwoolden reden. We hebben daor et pergramme bepraot van vandaege over een weke. Dan zuwwe tegere mit harpiste Sanne Bakker optreden tiedens Eupen Stal in Berkoop. Ik vertelle drie kleine verhaelen en we vertellen tegere een sprokien van Louis Paul Boon. Ik beginne in et Stellingwarfs en Douwe gaot dan veerder in et Fries. Ik hebbe daor gauw ok wat eten had: een plakkien bolle en een koppien lekkere en zelsmaekte broccolisoep!

Gister kwam d’r een kaorte van Wim en Anke vanof heur vekaansie-eilaand Terschelling. Ze kommen vandaege weer thuus. Op ‘e kaorte staot et beeld van et bekende Stryper Wyfke.