Overleg

Et roezebroekerige weer van gister is gelokkig veurbi’j, et wodt now weer mooi en lekker waarm zoemerweer. Fietsweer! Vandemorgen he’k op ‘e fiets naor Berkoop west. Ik hebbe mit mien uutgever Abel overlegd over de aovend van de veertiende juli as mien ni’je boek uutkomt. Wie dot wat? D’r bin altied een protte dingen waor aj’ omme daenken moeten. Ik hebbe ok twie boeken over de post verstuurd: naor Goes en Riessen. Dat Naozoemerlaand gaot de wereld in! Vandemiddag he’k in klad een kollum veur de kraante schreven, want dat wark moet ok altied deurgaon.

Hieronder nog een foto die ‘k eregister maekt hebbe in Allingawier. Ziej’m wel dat de meensken daor et husien nog boven de sloot hebben? Et zit daor grif heerlik! Jammer dat ik niet zoe’n briede sloot naost huus hebbe!