Orchidenenhoeve

Ien keer in et jaor gaon we naor de Orchidenenhoeve in Luttelgeest en dat is altied weer een genoegen. Et was d’r hielemaole veraanderd. Et parkeerterrein is wel twie keer zo groot wodden en et resteraant ok. Veerder is d’r ok van alles veraanderd en mooier wodden. Et was d’r hatstikke drok, d’r stonnen wel negen grote bussen mit volk uut et hiele laand weg. En allemachtig vule auto’s. We hebben eerst wat drinken had mit een gebakkien d’r bi’j. En doe hewwe alles bekeken. Et was prachtig in kastsfeer. Netuurlik weren de aepies d’r nog en de vissen en de pappegaaen. We kochten drinken veur ze en ik hadde d’r drieje op ‘e aarm zitten en twiege op ‘e schoolders. De flamingo’s weren ok weer mooi om te zien en de hangende tunen en de vlindertuun ok. Onderwegens hewwe nog wat dronken. Aj’ die schildpodden zien… Ze zitten praktisch onbewegelik op een stien. En dan te bedaenken dat ze wel twiehonderd jaor wodden kunnen! Ie zullen twiehonderd jaor laank zowat altied onbewegelik op een stien zitten moeten. Now ja, ze ploempen et waeter ok wel es in, mar ik wol toch werachtig niet graeg en schildpodde wezen. D’r stonnen ok artiesten te zingen en d’r weren een hieleboel dissies daor aj’ van alles kopen konnen. Ik hebbe ooldhollaanse snupies, keze en Twentse dreuge wost kocht. Nao de Orchidenenhoeve bin we naor de boerderi’jewinkel van Verhagen west, dat is daor vlakbi’j. Ik hebbe een kastkedo veur warkster Anke kocht en veur mezels zoerkool en spul om een keek van bakken te kunnen. Op ‘e weerommereize naor huus hewwe in Echten heerlik eten in resteraant De Fûke. Superlekkere vis! Hieronder een foto die ‘k vandemiddag maekt hebbe.