Optredens

Sund gisteraovend is de koorse/verhoging vot, mar ik hoeste nog wel wat. Ik hebbe wel weer beheurlik wat energie verleuren. Toch he’k besleuten en doe mien drie optredens van disse weke. Die bin op ‘e Harkema en in Oenkarke en Surhuustervene. Et is vier maonden leden da’k veur de laeste keer arges verteld hebbe: dat was op 18 meie in et Helenahuus in Aalten. Et betekent da’k alle verhaelen die ‘k vertellen zal meerdere keren rippeteren moet. Vandaege, morgen en overmorgen moet d’r dus rippeteerd wodden zodat de verhaelen d’r allemaole weer goed inzitten en ik al vertellende niet argens stoeken blieve. Ik zal vraogen a’k d’r zo now en dan even bi’j zitten mag. En dan mar es zien as me dit lokken gaot. Ik snappe en vule wel da’k dit wark gien jaoren meer doen zal…