Optreden bi’j Binnert Overdiep

Op woensdagaovend 22 meie is d’r een Fries-Stellingwarver literaire aovend bi’j boekhaandel Binnert Overdiep in Et Vene. Et begint om 19.30 ure en duurt tot ongeveer 21.00 ure. D’r is dan een gezaemelik optreden van Douwe Kootstra en Johan Veenstra. De beide manluden stellen mekeer vraogen en ze vertellen verhaelen. Ze vertellen tegere ok een verhael. Johan begint in et Stellingwarfs en Douwe maekt et in et Fries of. Beide mannen bin wel aorig in et zoolt bebeten. Ze hebben allebeide wiethoevule optredens verzorgd. Indertied weren ze ok allebeide mit een spreuken kollum op Omroep Frieslaand-radio te heuren. De aovend wodt hullen naor anleiding van et feit dat vleden jaor et dattigste boek van Johan verschenen is. De verhaelebundel Naozoemerlaand. De toegang is gratis en veur niks. In et schoft en nao ofloop kun de boeken van de schrievers anschaft wodden. Op verzuuk signeren de beide schrievers heur boeken. Wees welkom! As jim d’r henne willen moej’m jim wel even opgeven via info@binnertoverdiep.nl Misschien zien we mekeer daor dan wel! Hieronder een foto van de beide schrievers/vertellers bi’j de karke van Berkoop.