Op stap

Ik bin praktisch de hiele dag op stap west, dat is goed veur et energieverbruuk. Vandemorgen om elf ure wa’k in Et Vene bi’j kapster Bertha. Ik hebbe een koppien thee mit hunning en een rollegien mit Zeeuwse room had. Vervolgens het ze me goed een ure onder hanen neumen, zoda’k morgen netties de weg uut kan. Ik zal morgen vertellen in een kesteel! Nao et haorknippen en zo hewwe tegere eten: een lekker koppien gruuntesoep en een croque madame. En doe nog een koppien thee mit een sukelaogien. Ik kreeg van heur een poedegien mit knieperties en rollegies en boeremoes veur een peer daegen mit naor huus toe. Dat is allegeer slimme welkom in disse dure tied. Van Bertha bin ‘k naor  De Lemmer reden. Daor he’k bi’j Harry op vesite west. Op ‘e grote, briede vaorten wodde daor drok schaetst. Ik hebbe bi’j Harry een groot stok gebak had en veurda’k op huus an gong, kree’k een brotien mit zooltene hering. We hebben tegere vanzels ok praot. Soms is et leven zo mooi, soms is et zo verdrietig… Ik bin now weer thuus en hoeve gien eten meer.

Dé kedotip veur de kastdaegen: Et liek in de Lende, de eerste thriller in et Stellingwarfs!