Op et waeter

We bin vandaege van even veur tien ure vandemorgen tot even nao zes ure vandemiddag mit de boot et waeter op west. We hebben de dag dus wel aorig mitneumen. Et was prachtig weer, de temperetuur leup vandemiddag op naor 24 graoden. Laeter kwam d’r wat meer wiend en zakte et naor 22 graoden. De zunne kreup aenlik wat te vaeke in ’t nust, mar och, die hewwe de laeste tied ok wel wat overdaodig vule zien en vuuld. We bin via Warga naor Grou veerd en doe in de richting van Eernewoolde. Daor hewwe wat ommekruusd en we bin naor resteraant Ie-Sicht west te eten. Op et terras he’k daor een Italiaanse bolle mit rookte zalm had. Via de Fonejachtbrogge bi’j Suawoolde biwwe weer op et noorden an gaon. Een mooie dag nao alle hitte. Hieronder twie foto’s. Boven: de maanse Sunte Pieter van Grou. Onder: een protte boerebedrieven van eertieds bin deur de jaoren henne veraanderd in rekreaosiebedrieven.