Ooldewievezoemertien

Et was vandemorgen om elf ure nog diezig doe ‘k op ‘e fiets stapte, mar nao vuuf kilemeter brak bi’j Kontermaans de zunne d’r deurhenne. En doe wodde et een heerlike fietsdag mit een oplopende temperetuur naor 19-20 graoden en aenlik gien wiend. Ik hebbe mit mekaander 55 kilemeter fietst. Bi’j de Lende langes bin ‘k naor de Driewegsluus gaon en doe over de Scheenesluus naor et resteraantien bi’j de Ooldelaemster Brogge an de Van Helomavaort. Daor he’k een brotien hamburger en een koppien drinken had op et terras an et waeter. Daornao bin ‘k deur de Braandemeer fietst en doe bi’j et gebouw van de iesklub van Ni’jlaemer langes. Vervolgens staorigan naor Wolvege. Daor he’k twie fietstassen vol bosschoppen haeld in een supermark. En doe bin ‘k weer naor huus gaon. Ik was om drie ure thuus nao een prachtige dag. Et was onderweg drok mit fietsers en kuierders. Hieronder twie foto’s in haastkleuren: Lende, mooie Lende…