Ooldeschoot

Ik hebbe vandemiddag mit Grytsje Kingma optreden in de Sionskarke in Ooldeschoot. Op 1 meert 2020 mochten we optreden in et oolde karkien van datzelde Ooldeschoot. Een dag of wat laeter begon doe de coronapandemie. En now wawwe d’r weer… We hadden ongeveer 100 man pebliek, dat was hiel mooi. In dat oolde karkien stonnen we dichte bi’j et volk. De Sionskarke is een hiele grote karke daor aj’ veerder van et volk ofstaon. Dat is dreger vertellen en zingen, mar et gong veurtreffelik. Ik vun et hiel mooi dat d’r bekenden weren zoas mien oold-kollega’s Sanne en Hennie. Ik hadde Hennie in zeker 35 jaor niet zien, dat ik herkende him eerst even niet. Et was ok aorig dat Jan Wiensma d’r was. Et spietige is daj’ mar hiel even praoten kunnen, omdat d’r meer meensken binnen die mit je praoten willen. We kregen an et aende van de veurstelling beidend een prachtige bos rooie tulpen. Op maendagmorgen 15 meie zingen en vertellen Grytsje en ik in De Rinkelbom in Et Vene. Dat begint dan om 10 ure.