Ooldemark omme

Vandemorgen he’k eerst verhaelen rippeteerd veur een betied optreden de kommende vri’jdagmorgen op ‘e Blesse. En doe bin ‘k op ‘e fiets stapt veur een heerlike fietstocht van 51 kilemeter. Bi’j de Lende langes bin ‘k naor de Driewegsluus fietst en doe naor Ooldemark. Daor he’k op et terras van Hof van Hollaand lekker wat eten en drinken had. En vervolgens bin ‘k over Blesdieke en Wolvege weer naor huus gaon. Hieronder nog een foto die ‘k gister maekt hebbe in de buurt van et mooie dörpien Lhee, vlakbi’j Dwingel. D’r bleven gister een boel fietsers staon om foto’s te maeken van de schaopskudde mit hedder en hond in et Dwingelderveld, mar d’r bleven ok zat fietsers staon om dit moois hieronder op petret te zetten. Disse prachtige dieren staon lekker mit de poten in et waeter. Et bliekt dus dat ze slim op meensken lieken. As ik een straandkuier maeke, vien ik et ok heerlik om mit blote voeten deur et waeter te lopen!