Ooldemark omme

Op disse laeste dag van augustus he’k Ooldemark omme west. Een fietstocht van 43 kilemeter. Vroeger was et op 31 augustus Keuninginnedag. Dat was t/m 1948 et geval. Wilhelmina wodde vandaege percies 144 jaor leden geboren op peleis Noordaende in Den Haag. Op dat mement leefde heur halfbreur Alexander nog. Hi’j het zien halfzussien trouwens nooit zien wild en raekte in 1884 zonder vrouw en kiender uut de tied. Ik bin op disse straolende dag bi’j de Lende langes naor de Driewegsluus fietst en doe naor Ooldemark. Daor he’k een twaelfuurtien had op et terras van resteraant Family (et vroegere Hof van Hollaand). Over Blesdieke, De Blesse en Peperge bin ‘k, ok weer bi’j de Lende langes, naor huus fietst. Hieronder een foto die ‘k vandemiddag maekt hebbe. Dit is in Ooldemark. Et witte huus in de veerte is et Veerhuus an et Mallegat. Hier het vroeger misschien ok wel een maegien woond dat Greetje hiette. Zoas in dat bekende lietien…