Oold

Ik maekte gister al weer een fout in mien dagboekstokkien. Et moet Wivineke van Groningen wezen en niet Wiwineke… Zi’j speult dus Madam Scrooge bi’j Opera Spanga. Vroeger speulde ze al in Medisch Centrum West in de jaoren 1989-1991. Dat is lange leden! Dat ik die fouten maeke, komt vanzels omda’k oold beginne te wodden. As et echt een warrige boel wodt, moe’n jim mi’j even an de jasse trekken en zeggen dat et zo niet langer kan. Dan stop ik mit disse schrieveri’je. Ik hebbe d’r vandaege al weer een jaor bi’jkregen. Et was een genoeglike dag mit genoeglike meensken. De vesite is now allemaole al op huus an en vanaovend komt d’r gien volk. Meensken van mien leeftied willen bi’j aovende as et duuster is niet meer de weg uut in de auto. Ik kieke vanaovend dus in alle rust naor Vera. Daank veur de kaorten, mailties en tillefoonties!