Ontspannen dag

We bin vandaege weer de hiele dag et waeter op west mit de boot. Van 10 ure vandemorgen tot kwat over 6 vanaovend. Et was een heerlike en veural ok ontspannen dag. Butendat was et heerlik weer, de temperetuur leup op naor 24 graoden. We bin over Wartena, Eernewoolde en De Veenhoop naor Drachten veerd. En doe over Opaende naor et meertien de Leijen. We hadden daor eerst in et paviljoen eten zuld, mar dat was op deensdag dichte. Over Oostermeer biwwe naor et Burgumermeer veerd. Daor hewwe van half 3 tot half 4 lekker eten en wat dronken op et terras van resteraant Klein Zwitserlaand mit een prachtig uutzicht over et meer. Vervolgens biwwe in de richting van Suawoolde en de Fonejacht-brogge gaon over et Preenses Margrietkenaal. Hieronder 2 foto’s die ‘k vandaege maekt hebbe. Boven: we veren deur Opaende. Onder: we veren deur Oostermeer.