Ofzeggen

Een volle agenda en dikke verkolen wezen passen niet goed bi’j mekaander. Ik moet dus wat dinkies ofzeggen. Veur vri’jdag ha’k drie ofspraoken: morgens, middags en aovens. Dat gaot now even niet. D’r blift hopelik iene van over. Ik zal perberen en blief mien optredens te doen, mar veerder gaot de bessem deur de agenda. Vandemiddag he’k even bi’j Haarm en Jacob in Et Vene an de deure west. Jacob is vandaege 75 jaor wodden. Ik hebbe een kedogien anbrocht en gao laeter wel een keer naor heur toe om een bakkien drinken. Ik gao an et begin van de aovend nog wel even naor de VIP-aovend van de Welkoop in Wolvege. Meensken die een passien hebben, en dat heb ik, kun daor van alles kopen mit twintig percent kotting. Daor za’k dus even gebruuk van maeken. Hieronder nog een foto die ‘k gister maekt hebbe in Tuundorama in Drachten.