Norg

Vanaovend za’k nao een goeie weke weer argens henne om verhaelen te vertellen. Om zeuven ure za’k in Norg wezen, dat betekent da’k d’r nog mit lochte kommen kan. Dat is mooi. Ik zal daor in de Brinkhof vertellen veur de leden van de Vrouwen van Nu, de vroegere plattelaansvrouwluden. Ik hebbe al drie keer eerder bi’j heur west te vertellen, dat was in de jaoren 1993, 2004 en 2015. Dit zal dus de laeste keer wezen. Ik hebbe vandaege nog verhaelen rippeteerd, ik hope dat et goed gaon zal, mar et zal mien komplete inzet vargen. Vandaege kwam de oproep van et ziekenhuus veur mien twiede staaropperaosie. En d’r kwam een vreselik tillefoontien dat slim goeie kunde uut de tied raekt is. Ik zal ankem weke in et krematorium van Ni’jschoot et woord doen. En vanaovend moet ik alle andacht bi’j mien optreden hebben, want daor hebben de vrouwluden recht op. Mar et zal wel drege wezen. Morgen meer…