Nog een fietstocht

Vandemorgen was et bewolkt en d’r kon regen kommen neffens de geleerden. Dat is trouwens niks wodden, dat ik bin nao eterstied op ‘e fiets stapt veur een betrekkelik kleine fietstocht van 37 kilemeter. Et was prachtig zunneschienweer en de temperetuur leup op naor 22 graoden. Ik bin over De Hoeve naor Steggerde gaon. Daor zag ik an de Turfhoekweg prachtige bollevelden (tulpen). Ik bin van daor naor de  Heerlikhied De Eese fietst. De boswallen stonnen vol bluuiende hoornbloemen. Zo mooi! Ik bin veerderfietst naor Ni’jensliek en Frederiksoord. En van daor bin ‘k over Noordwoolde weer naor huus gaon. In Noordwoolde he’k nog even keken as Harry en Frans ok thuus weren. Mar die zitten op et ogenblik bliekber nog niet op et vaastelaand van Europa. Hieronder twie foto’s. Boven: dit bin de boerderi’je en et koetshuus van et laandgoed De Eese van de aodellike femilie Van Karnebeek. Onder: de Noordwooldiger Vaort bi’j Ieken Verlaot.