Nog een fietstocht

Vandemorgen he’k de kollum Efteling veerder uutwarkt, befiekt en uuttikt. En doe bin ‘k weer op ‘e fiets stapt veur een tocht van 47 kilemeter. Et was waarmer as gister, mar op ‘e ruumte ston ok meer wiend. Ik bin bi’j de Lende langes naor de Driewegsluus fietst en doe over de Scheenesluus naor et mooie plakkien naost de Helomavaort daor a’k een bakkien drinken en een brotien had hebbe. Vervolgens bin ‘k deur de Braandemeer fietst en laeter bi’j de Scheene langes weer op huus an. Koekoeksbloemen, staankhoorns en de eerste varkenties bluuien al. Naost de Lende zag ik lanen vol bluuiende botterbloemen. Daor he’k een foto van maekt. Zie hieronder.

Onder de foto mit de botterbloemen staot een selfie die me toestuurd wodde deur kammeraod Haarm. Hi’j het die maekt doe we vleden weke donderdag bi’j Gé in Twente weren. Disse foto is neumen bi’j de Kroezeboom in Fleringen. Van links naor rechts; Gé, de deugd en Haarm. We wo’n vanzels alle drieje oolder, mar de jaoren bin oons waorlik nog niet an te zien.