Ni’je brille

Ik hebbe een kollum schreven over een twaelfuurtien da’k op een terras in Borger tiedens de vekaansie graeg hebben wol, mar wa’k niet kreeg. Butendat bin ‘k uut aende zet mit et rippeteren van verhaelen veur een optreden van over een weke. Vandemiddag he’k in Wolvege mien ni’je brille ophaeld. Et moet even wennen. Een vrouw vreug me a’k al wat heurd hadde van Lunia. Ze dudede op mien kollum van gister in de kraante. Daor kwammen ok een peer mailties over. Mar ik hebbe dus nog niks heurd van Enjoy Landgoedhotel Lunia en dat zal ok wel niet gebeuren. En dan dat voetballen. Daor he’k hielemaole niks mit. Ik kieke d’r nooit naor. Mar ik vun et dus wel geweldig mooi dat de Belgen van Amerike wunnen hebben!