Ni’je auto

Dit was een spannende dag, ik daenke niet da’k vannaacht slaopen zal. Jarmo kwam hier vandemorgen en we bin naor de gerage in Et Vene west om mien ni’je auto op te haelen. We hebben eerst nog foto’s van de oolde neumen. Zo te zien op ‘e foto kreeg ik bloemen van Ralf Zondervan van gerage Van den Brug. En doe biwwe naor et parkeerterrein van Thialf gaon en daor het Jarmo me van alles uutlegd. Wat drege… Ik bin Et Vene in reden en daor hewwe luncht in resteraant Lekkerzzz an de Dracht. En doe het Jarmo weer een stokkien reden en doe ik weer. Thuus was et de keunst en kom in en uut de gerage. Ok drege. Dit moet ik allemaole nog wel hiel goed onder de kni’jen kriegen. Mar ik zal de kommende paosdaegen oefenen. Hieronder een stokmennig foto’s