Niet veer vot

Et kon de laeste daegen van alles doen: regenen, sni’jen, wat glibberig wodden. Gien weer om een aende vot te gaon. Dat komt wel weer. We hebben vandaege lange in Home Center in Wolvege ommelopen. Wat is dat een grote winkel! Iederkeer vreugen goenend oons as ze oons ok helpen konnen. Nee, we weren kiekers en gien kopers. Volk waor ze dus in wezen niks an hadden. We bin ok even bi’j Jarmo an west om een besteld exemplaor van Et liek in de Lende an te brengen. We hebben in de loop van de middag eten in et resteraantien bi’j de Koepelbos in Berkoop. Petat mit een lekkere gehakballe. De petat die we niet opkonnen hewwe mitneumen veur de voegels. Dan hoeft et niet votgooid te wodden, want eten votgooien is schaandelik.