Netuurmonementen

Een dag of wat leden kree’k een kedogien mit een brief van Pim van der Feltz, de algemien direkteur van Netuurmonementen omda’k 50 jaor lid bin. Ik wete nog hiel goed da’k as jongeman van 26 lid wodden bin. Ik bin daornao ok nog lid wodden van et Wereld Netuur Foons, Greenpeace, It Fryske Gea en de Voegelwaacht. Ik hebbe me altied slim verbunnen vuuld mit de netuur, vule me d’r een hiel klein dieltien van. In mien boeken kommen vaeke netuurbeschrievings veur. We zollen as meensken goeie rentmeesters wezen moeten, mar dat bin we niet. Et is hiel griezelig om te zien hoevule soorten, plaanten en dieren, d’r an et verdwienen binnen of al vot binnen. De meens is een protte an et verprutsen en vernietigen. Dat gaot an een dag toe en dan is et an de meensken zels toe. We veren mit mekeer as een Titanic op een allemachtig grote iesbarg of. Zol de klimaottop in Iegypte een groot sukses wodden? Et zal now gebeuren moeten!
Hieronder nog een foto die ‘k eregister maekt hebbe doe ‘k in Zwolle van et treinstesjon naor museum De Fundatie leup. Dit is de mooie Peperbusse.