Nee

Ik zegge tegen een protte dingen op et ogenblik nee, dat vien ik slimme vervelend, mar ik kan now even niet van alles doen. Die twie uren in Berkoop is genoeg. Ik wor nog wel gauw mu en kotaosemig en hebbe nog flink wat last van al die antibiotika die ‘k had hebbe. Dus doe ik zaoterdagaovend niet mit an de Koolde tocht in de karke van Berkoop. Die Winterreisse van Schubert in et Duuts, Drents en Stellingwarfs. Ik bin eerlik waor de eerste die dat slimme spiet. Pieter (Jonker) nemt mien plak in en daor bin ik meer as gelokkig mit. Meensken vreugen me ok om op een Jim Reeves-middag op ‘e Jouwer te kommen, dat doe ik ok niet. En ik rie now ok niet naor schoonzuster Roelien in Zeelaand. ik vertaele op verzuuk gien stokken in goed Stellingwarfs, ik doe gien optredens. En wat hielemaole slim is: ik kan now niet een dag mit de boot mit et waeter op of een lekkere lange fietstocht maeken. Even rustigan en ik hope dat de meensken daor begrip veur hebben zullen.