Johan Veenstra
Stellingwarver schriever en verteller

Natuurlijk stroomopwaarts

Plaetst op 6 november 2022.

Vandemiddag he’k in de vroegere Rietvlechtschoele in Noordwoolde de tentoonstelling Natuurlijk stroomopwaarts bekeken. Dat is de haasttentoonstelling van Stichting Kunstwerk! In de Stellingen. Vleden vri’jdag ston d’r een paginagroot artikel over in de Liwwadder Kraante van Susan van den Berg mit as titel De eeuwigheid in het alledaagse. Et was d’r drok vandemiddag en dat kwam grif ok deur dat grote stok in de kraante. Ik kreeg een koppien thee anbeuden deur de beide gaastvrouwen die daor de boel regelden. D’r was prachtig wark te zien. Ik vun de eulievarfschilderi’jen van Christiaan Afman die hi’j schilderde van et Drents-Friese Woold hiel arg mooi. Mar ik kwam vanzels ok veur de mooie foto’s van Jessica van der Hout. Foto’s van wat d’r gruuit en bluuit in heur naoste omgeving van Zaandhuzen. Jessica het heur foto’s soms po√ętische onderschriften mitgeven en die heb ik veur heur in et Stellingwarfs vertaeld. Et bin dus twietaelige onderschriften wodden. Susan van den Berg schreef in de Liwwadder Kraante: De po√ętische bespiegelingen van Van der Hout en de doeltreffende vertaling door Johan Veenstra voeden de natuurbeleving. Now, dat is mooi! Gao naor disse tentoonstelling! Ie kun d’r tot 27 november gratis henne op vri’jdag- t/m zundagmiddag van 1 tot 5 ure. Zie www.kunstwerkindestellingen.nl