Naor Zeelaand

Ik gao aanst naor Karel en Annie in Zeelaand, dat is een dorp in Braobaant daor Monique van de Ven geboren is. Karel brocht vroeger koffie rond in et Stafgebouw van et 103 Geneeskundig Bataljon op ‘e   Generaol Spoorkezerne in Ermelo. Ik zat daor op kantoor. Zi’j kwammen altied et iene jaor bi’j mi’j en ikke et aandere jaor bi’j heur. Mar Karel mag niet meer autorieden en Annie dust niet meer zoe’n aende te rieden. Dat now komt et allienig op mi’j an. Ze bin daor verhuusd en de navigaosie kent et adres niet. Dat wodt zuken. Et is de bedoeling dawwe daor vandemiddag fietsen gaon. Et wodt mooi weer, dat treffen we. Anke is hier vandaege om et huus schone te maeken en die past op poes. Et is de bedoeling da’k morgenaovend weer thuus bin.