Naor Westerwoolde

Et was gister een mooie aovend in et Karkien van Blesdieke. D’r weren ongeveer vuuftig meensken. Dat was hiel mooi. Et vertellen gong goed. Ik hoefde et daor trouwens niet allienig te vertonen. De aovend wodde eupend en besleuten deur André Otten (zang) en Marco Hof (gitaar). Zi’j brochten lieties in et Stellingwarfs over heur mooie dörp Blesdieke. Lenus van der Broek stuurde me mooie foto’s die hi’j daor gisteraovend maekt het. Zie hielemaole onderan. Ik bin hier an ’t vertellen en Marco en André zitten hielemaole rechts veuran.

We bin vandaege op stap west. We bin naor Bellingwoolde west en daor hewwe et MOW Museum bekeken. Daor was een tentoonstelling over de netuur. Prachtige foto’s, schilderi’jen en beelties. En een hiele mooie film over hoe as een vlinder uut een roepe/poppe komt. Wat toch aenlik een wonder. We hebben d’r ok wat drinken mit een hiempe keek had. Vervolgens hewwe een mooie rit deur et prachtige Westerwoolde maekt: Vriescheloo, Wedde, Musselkenaol. Awwe daor in de buurt binnen gao’we altied naor bakker Bos in Ter Apel om Grunninger hadbrood. Mar dat was spietig genoeg haost op. Ik hebbe daoromme wat aander lekkers mitneumen. We hebben in de middag lekker waarm eten had in et mi’j oe zo bekende ’t Maotien in Gasselte. Et eten was heerlik! Hieronder ok nog een foto van et MOW Museum in Bellingwoolde dat in een oolde boerderi’je mit anbouw zit.