Naor Lochem

Dit is een hiel vroeg dagboekstokkien. Aanst brengt Gerda Jelle hier en dan drinken we hier nog wat. Vervolgens gaot Gerda weer naor Sneek en wi’j gaon mit mien auto naor Lochem in de mooie Aachterhoeke waor et vermoedelik nog wat waarmer wodt as et hier de kommende daegen wodden zal. Et is de bedoeling dawwe, krek as vleden jaor, eerst naor Ommen rieden, dan kun we daor tussen de middag lunchen op et terras van resteraant Tante Pos. As et mit de wifi lokt, kommen d’r vanuut Lochem gewoon dagboekstokkies. Misschien wel wat onriegelmaotiger en op aandere tieden. As et niet lokt mit de wifi moe’n jim drie daegen zonder disse literaire hoogtepunten. Dan komt d’r pas vri’jdagaovend weer een stokkien. Mar ik hope vanzels dat et elke dag kan. We zullen et zien.