Naor Franeker

We bin vandaege de hiele dag mit de boot et waeter op west. Et was vandemorgen eerst bewolkt, doe koj’ wel een vest of jassien an verdregen, mar laeter kwam de zunne d’r lekker bi’j. D’r ston wel een aorige bluster. Et is krek as wi’jt et de laeste jaoren meer as vroeger of verbeel ik me dat? We bin de kaant van Franeker uut west. Over Deinum mit de siepel op ‘e toren, Menaldum, Berlikun en doe de Blikvaort op en via Ried en Dongjum  naor Franeker. Daor hewwe op et terras van de Stadsharbarg lekker wat eten en drinken had. Et zit daor prachtig en ie kun de boot bi’j et terras anleggen. Nao et eten biwwe in de richting van Dronriep veerd. Hieronder een foto die ‘k vandemorgen maekt hebbe. Hier veren we deur Menaldum. Hier vlakbi’j was een man in de tuun doende, mar we bin d’r niet aachterkommen as dat et beroemde feintsje was.