Naor Else

Ik hadde al een hiel schoft niks meer bakt, mar ik bin now weer an de gang west. Gisteraovend he’k een Dutch Apple Bread bakt mit appel en Fraanse vruchies en vandemorgen he’k een kruudkoeke bakt mit rezienen, abrikozen, bakgember en sukade. Beide koeken bin hatstikke goed lokt en slimme lekker. Et was vandemiddag zok mooi weer dat et haost zunde was om in huus te zitten. Mar ja, ik mos op ‘e daghure. Ik moch vertellen in ’t Anker in Else veur dattien  meensken van een neve- en nichtedag van de femilie Lem. Een klein koppeltien in een klein zaeltien en dat was hiel genoeglik. Et mooie was ok dat Remco en Nans d’r weren, dat daor he’k mitien even mit bi’jpraoten kund.