Naor De Leyen

We bin de hiele dag mit de boot et waeter op west. Van vandemorgen even veur 10 ure tot 20 over 6 in de naomiddag. Et was fantastisch mooi weer. Volop zunne, weinig wiend en een oplopende temperetuur naor 27 graoden. Mooier kan et niet. We bin via Suawoolde over et Preenses Margrietkenaal naor Burgum veerd en doe naor et Burgumermeer. Dat hewwe dwas oversteuken en doe naor Oostermeer en et mooie meertien De Leyen. Dat hewwe in de ronte veerd en doe biwwe dezelde route weerommegaon. We hebben tussen drie en vier ure eten en drinken had op et terras van et paviljoen van et Rekreaosiecentrum Burgumermeer. Et vroegere Klein Zwitserlaand. Et zit daor prachtig op een hoogte mit et zicht op et straand en et meer. Mar bi’j de Koepelbos in Berkoop is de petat lekkerder. Hieronder een foto van een blinders mooie dag. Op ‘e foto hieronder veren we deur Oostermeer.