Naor de kapper

Vandaege hadde ik ok een vri’je dag. Vanof morgen bin ik weer vuuf middaegen in Berkoop. Ik hebbe vandemiddag een fietstocht van 33 kilemeter maekt. Ik bin bi’j de Kuunder langes naor kapster Bertha in Et Vene gaon. Eerst he’k een bakkien Turkse thee had mit een sukelaokoekien. Daornao het ze me een ure onderhanen neumen, dat ik zie d’r now weer uut as een jongkerel. Vervolgens he’k een koppien gruuntesoep had mit twie plakkies zoerdesum stokbrood en een uutsmieter. As slot nog weer een koppien Turkse thee. Omdat d’r supermarken vlakbi’j Bertha binnen, he’k mitien een tasse vol bosschoppen mitneumen. Ik bin deur de bossen van Et Woold weerommefietst naor huus toe. In Oranjewoold he’k nog een foto maekt van Klein Jagtlust, ien van de mooie laandhuzen daore. Et wodde in 1856 bouwd veur de eerste eigener Pieter Heringa Cats.