Naor de kapper

Vleden weke vri’jdag ha’k naor kapster Bertha in Et Vene zuld, mar doe was et 37 graoden en lag iederiene zowat op aepegaepen. Dat is doe niet deurgaon, dat now bin ‘k vandaege naor heur toe west. Ik hadde graeg fietsen wild, mar krek vandemorgen regende et en d’r staot vandaege een beste bluster. Ik bin dus mar mit de auto gaon. Ik kreeg eerst een bakkien thee van de Turk mit een bakke mit erebeien en slagroom. Een lekker begin! Vervolgens het Bertha een ure mit me doende west. Ik hebbe now een zoemercoupe. Et is dus niet zomar wat! Ik kan now overmorgen fesoenlik mit een uutvanhuzer naor de opera an de Scheene. Nao de optonteri’je he’k een koppien soep en een uutsmieter had. En doe nog weer een koppien thee mit een koekien mit daodelvulling van de Turk.

Iederiene liekt wel mit vekaansie te wezen. Hieronder een kaorte uut Zierikzee van Jan Berend en Elly. Ze schrieven dat et daor slimme waarm in Zeelaand is. Dat zal vleden weke wel west hebben. Daoronder een foto van Braubach am Rhein. Een Duutse stad in de dielstaot Rijnlaand-Palts. Daor bin Douwe en Romkje daelestreken naodat ze naor Zwitserlaand west hadden.